Xayolparast Yigit Realistga Aylandi

Tavsif

voqealar oddiy maktab hayotidan boshlanadi. Sajou Vataru ismli yigit uzoq vaqt davomida sinfdoshi Natsukava Aikaga oshiq bo‘lib yuradi. U har kuni qizga yaqinlashishga, uning e’tiborini qozonishga harakat qiladi. Ammo bir kuni Vataru o‘zini qiz uchun mos emas deb o‘ylab qoladi va birdan sovuqqon, jiddiy “realist” insonga aylanadi. Shu o‘zgarishdan keyin Aika hayron bo‘lib qoladi, chunki ilgari doim yonida bo‘lgan bola endi undan uzoqlasha boshlaydi. Anime davomida ular orasidagi munosabat asta-sekin o‘zgarib, ichki his-tuyg‘ular, rashk, pushaymon va yashirin muhabbat ochilib boradi. Hikoya oddiy romantikadan tashqari, insonning o‘z qadrini anglashi, hislarini yashirishi va hayotga boshqacha qarashni ham ko‘rsatadi. Maktabdagi do‘stlar, kulgili vaziyatlar va samimiy suhbatlar animega iliq atmosfera beradi.